रुख
टुप्पो !
आकाशमा अग्लिन्छ
अग्लिएर फैलिन्छ
ढाड !
हाँगामा अलमलिन्छ
अलमलिएर लरबरिन्छ
जरा
धरतीभित्र घुस्रिन्छ
घुस्रिएर घस्रिन्छ ।
०००
बिरुवा
बीज थियोे उम्रिन्छ
लहलहाउँदै फूल फुल्छ
शोभा बढाउँदै आकर्षित गर्छ
आफ्नो तन देखाउँदै
अरूको मन जित्छ
लोभ्याउँदै हराभरा हुन्छ
कसैले उखेल्छ र आफ्नो बारीमा सार्छ
कसैले फूल टिप्छ, सुँघ्छ र सिउरिन्छ
यसरी बिरुवा सबैको प्यारो हुन्छ ।
०००
झारपात
रुखका टुप्पोका,
हाँगाका
सबै पातहरू झरे
बिरुवाका लहराका
फूलहरू र
पातहरू पनि सबै झरे, सुके
कसैले मल बनाए,
कसैले कुल्चिए
सबैका लागि झारपात भए ।
