तिम्रो मुटु मेरो मुटु साथसाथ रह्यो
सयौँ जुनी बाँच्ने कुरा आसआस रह्यो
उकाली ओराली धेरै यात्रा सँगैसँगै गर्याेँ
नछुट्टिने सयौँ वाचाहरू खातखात रह्यो
अँधेरीमै उजेलोको सधैँ आशा हाम्ले राख्यौँ
तिम्रो मुटु मेरो मन्दिर साथसाथ रह्यो
आँखाआँखा इसारामा के के कुरा गरे’थ्यो
सुसेली र सुस्केराको बाँकी बातबात रह्यो
दिन धुम्मिएको थियो, रात कालोकालो भयो
सयौँ जुनी बाँच्ने कुरा आसआस रह्यो
