ट्रकको ठक्करबाट विद्यार्थीको मृत्यु

राममणि दाहाल

हेटौँडा, मङ्सिर २७ गते । पूर्व पश्चिम राजमार्गको मकवानपुर मनहरी गाउँपालिकाको रमनाटारस्थित सडक खण्डमा ट्रकको ठक्करबाट बालकको मृत्यु भएको छ ।

मनहरी गाउँपालिका-७ रमनाटारस्थित सडक खण्डमा बुधबार चितवनबाट हेटौँडातर्फ आउँदै गरेको ना ५ ख ३७८३ नम्बरको खाली ट्रकले पैदलयात्री स्थानीय बालक उमेश प्रजालाई ठक्कर दिँदा बालकको मृत्यु भएको जिल्ला प्रहरी कार्यालय मकवानपुरले जनाएको छ ।

राष्ट्रिय आधारभूत विद्यालय रमनटारमा कक्षा १ मा अध्ययनरत अन्दाजी ६–७ वर्षका निज प्रजालाई ट्रकले ठक्कर दिएर गम्भीर घाइते भई प्राथमिक स्वास्थ्य केन्द्र मनहरीमा उपचारको निधन भएको हो । 

थप उपचारका लागि पुरानो मेडिकल कलेज भरतपुर चितवनमा पठाइएकोमा डाक्टरले मृत घोषणा गरेको प्रहरीले जनाएको छ । ट्रक चालक प्रहरीको नियन्त्रणमा रहेका छन् ।