काठमाडौँ, कात्तिक १७ गते । आइसिसी ट्वान्टी २० विश्वकप एसिया छनोटअन्तर्गत आज हुने सेमिफाइनलमा नेपाल र युएईले प्रतिस्पर्धा गर्नेछन् । खेल मुलपानी माथिल्लो मैदानमा बिहान ११ बजेबाट सुरु हुनेछ ।
समूह चरणको अन्तिम खेलमा ओमानसँग पाँच रनले पराजित हुँदा नेपाल समूह ‘ए’ को उपविजेता बनेको थियो । युएई समूह ‘बी’ को विजेता हो । आज नेपाल र युएईबिच प्रतिस्पर्धा हुँदा कीर्तिपुरमा ओमान र बहराइनबिच पनि खेल हुनेछ । दुवै खेलका विजेताले फाइनलसँगै आगामी वर्ष अमेरिका र वेस्ट इन्डिजमा हुने विश्वकपमा स्थान बनाउनेछन् ।
