रमेश विश्वकर्मा
गुल्मी, कात्तिक ९ गते । गुल्मीको मुसिकोट नगरपालिकाले प्रथम मुसिकोट मेयर कपको आयोजना गर्नेभएको छ । मुसिकोट नगरपालिका नगर खेलकुद विकास समितिले प्रथम मुसिकोट मेयर कप अन्तर्गत अन्तरपालिकास्तरीय पुरुष भलिबल प्रतियोगिताको आयोजना गर्न लागेको हो ।
सो प्रतियोगिता कात्तिक २२, २३ र २४ गते ग्वादिकाचौर खेल मैदानमा सञ्चालन हुनेभएको समितिले जनाएको छ । प्रतियोगितामा प्रथम हुनेलाई एक लाख ५० हजार रुपियाँसहित कप मेडल र प्रमाणपत्र, द्वितीय हुनेलाई एक लाख रुपियाँसहित कप, मेडल र प्रमाणपत्र प्रदान गरिनेभएको छ ।
