कबिराज घिमिरे
हिले, असोज १८ गते । पूर्वको एक महत्त्वपूर्ण पर्यटकीय स्थल हो, भेडेटार । सुनसरी र धनकुटाको सीमा क्षेत्रमा रहेको भेडेटार १४ सय मिटरको उचाइमा अवस्थित छ ।
तराईबाट नजिक रहेको भेडेटारमा गर्मी मौसममा पनि चिसो हुने गर्छ । यहाँबाट तराईका विभिन्न फाँटबाट हिम शृङ्खला र पहाडको मनोरम दृश्य देखिन्छ । यहाँ आन्तरिक र बाह्य पर्यटकको विशेष चहलपहल हुने गरेको छ ।
एक सातादेखि निरन्तरको वर्षाका कारण यो क्षेत्र समेत सुनसान भएको थियो । यद्यपि वर्षा रोकिएसँगै भेडेटारबाट देखिने सुन्दरता झन् लोभ लाग्दो बनेको छ ।
