बालुवाटारमा सत्ता गठबन्धनका शीर्ष नेताको बैठक

काठमाडौं, साउन २९ गते । 

सत्ता गठबन्धनका शीर्ष नेताहरुको बैठक बालुवाटारमा जारी रहेको छ । 

प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ का प्रेस संयोजक सूर्यकिरण शर्माले केहीबेर अघिदेखि बालुवाटारमा गठबन्धनको शीर्ष नेताको बैठक जारी रहेको जानकारी दिनुभयो ।

बैठकमा प्रधानमन्त्री एवम् माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा, उपप्रधान तथा रक्षामन्त्री एवम् कांग्रेस उपसभापति पूर्णबहादुर खड्का, नेकपा (एकीकृत समाजवादी) का अध्यक्ष माधवकुमार नेपाल, नेताहरु राजेन्द्र पाण्डे, राजेन्द्रप्रसाद श्रेष्ठ, लोकतान्त्रिक समाजवादी पार्टीका अध्यक्ष महन्थ ठाकुरलगायतका नेता सहभागी हुनुहुन्छ ।