सङ्खुवासभा कारागारमा दुई कैदीबन्दीको मृत्यु

ध्यानबहादुर राई
सङ्खुवासभा, साउन २४ गते । जिल्ला कारागार सङ्खुवासभा दुई जना कैदीबन्दीको मृत्यु भएको छ । मृत्यु हुनेमा मादी नगरपालिका–५ का १९ वर्षीय विनोद तोलाङ्गी र नुवाकोट ककनी गाउँपालिका–७ का २८ वर्षीय आकाश बलामीको रहेको जिल्ला प्रहरी कार्यालय सङ्खुवासभाका  डिएसपी वीरेन्द्र गोदारले जानकारी दिनुभयो ।

मङ्गलबार राति १ बजे कारागारको शाैचालयबाट भाग्ने क्रममा रहेका उनीहरुलाई कारागार प्रहरीले पक्राउ गरी कारागार प्रशासनलाई बुझाएको डिएसपी गोदारले बताउनुभयो । 

उनीहरु बुधबार बिहान ४ बजे कारागारभित्रै अचेत अवस्थामा फेला परेपछि उपचारका लागि जिल्ला अस्पताल लगिएको थियो ।

जेलर घिमिरेका अनुसार जिल्ला अस्पतालमा उपचारका क्रममा दुवै जनाको बिहान ६ बजे मृत्यु भएको हो ।  उनीहरुको शव अहिले जिल्ला अस्पतालको शवगृहमा राखिएको छ ।