अविनाश चौधरी
धनगढी, असार २७ गते। सुदूरपश्चिम प्रदेश सभाको बुधबार बोलाइएको बैठक स्थगित गरिएको छ।
प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल (प्रचण्ड) पत्नी सीता दाहालको बुधबार विहान निधन भएकाले प्रदेश सभा बैठक स्थगित गरिएको हो। बिहान बसेको कार्यव्यवस्था परामर्श समितिको बैठकमा शोक बिदा गरेर बैठक स्थगित गर्ने सहमति भएको थियो।
प्रदेश सभामा सुदूरपश्चिम प्रदेश सरकारको आगामी आर्थिक वर्षको बजेटमाथि छलफल जारी रहेको छ। मङ्गलबारदेखि छलफल सुरु गरिएको थियो। सभामुख भीमबहादुर भण्डारीले विनियोजन विधेयमाथि छलफलका लागि बुधबार दिउँसो ३ बजे बैठक बोलाउनु भएको थियो। सो बैठक अर्को दिनसम्मको लागि सारिएको छ।
बिहीबार बिहान साढे ८ बजे बैठक बोलाइएको प्रदेश सभा सचिवालयका सचिव देवबहादुर बोगटीले जानकारी दिनुभयो।
