रेखीराम राना
पाल्पा, असार ३ गते । अवैध रुपमा ढुङ्गा निकासी गर्ने सवारीसाधनलाई प्रहरीले नियन्त्रणमा लिएको छ । पाल्पाको तिनाउ गाउँपालिका–५, चर्चरेस्थित भित्री सडकबाट अवैध रुपमा ढुङ्गा निकासी गर्ने तीन वटा ट्रिपरलाई प्रहरीले नियन्त्रणमा लिएको हो ।
जिल्ला प्रहरी कार्यालय पाल्पाका अनुसार प्रदेश २–०३–००१ ख ३२२९, र प्रदेश २–०३–००१ ख २९९२ र र प्रदेश २–०३–००१ ख २९९४ नम्बरको ट्रिपरलाई प्रहरीले नियन्त्रणमा लिएको हो ।
गएराती प्रहरी चेकिङ्का क्रममा स्वीकृतिबिना ढुङ्गा निकासी गर्ने ट्रिपरलाई नियन्त्रणमा लिएर तिनाउ गाउँपालिकामा बुझाइएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।
