सुजल श्रेष्ठ
प्युठान, जेठ २९ गते । स्वर्गद्वारी दर्शन गरी फर्किएको कार प्युठानमा दुर्घटना भएको छ । दुर्घटनामा परी आठ जना गम्भीर घाइते भएका छन् ।
जिल्ला प्रशासन कार्यालय प्युठानका प्रमुख जिल्ला अधिकारी मदन कोइरालाले स्वर्गद्वारी दर्शन गरी फर्किएको लु १ च ६३४५ नम्बरको कार स्वर्गद्वारी भिङ्ग्री सडक खण्डमा दुर्घटना भएको जानकारी दिनुभयो ।
प्रजिअ कोइरालाका अनुसार कारमा दुई पुरुष, दुई महिला र चार बालबालिका गरी आठ जना सवार थिए । कारमा सवार आठ जनाको अवस्था गम्भीर रहेको उहाँले बताउनुभयो । घाइते सबै जनालाई जिल्ला अस्पताल विजुवार लगिएको लगिएको छ ।
कार सडकको माथिल्लो घुम्टीबाट पल्टिएर तल्लो घुम्टीमा पुगेको थियो ।
