सलिम मिया
विजुवार, वैशाख २६ गते । प्युठानको सरुमारानी गाउँपालिका ६ मोतिपुरमा मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा प्युठान झिमरुक गाउँपालिका–४ बागेंफेदीका २४ वर्षीय शेरासुलभ शाह रहेको जिल्ला प्रहरी कार्यालय प्युठानका प्रहरी निरीक्षक लालबहादुर विकले जानकारी दिनुभयो ।
उहाँका अनुसार मंगलबार अपरान्ह करिव ३:४५ बजे भएको दुर्घटनाका घाइते मोटरसाइकल चालक शाहको उपचारका क्रममा जिल्ला अस्पताल बिजुवारमा मृत्यु भएको प्रहरी निरीक्षक बिकले बताउनुभयो ।
प्रहरीका अनुसार बुटवलबाट प्युठानतर्फ आउँदै गरेको लु ५८ प ६१२० नम्बरको मोटरसाइकल अनियन्त्रित भई दुर्घटना हुँदा शाहको टाउकोमा चोट लागेको र उपचारका क्रममा मृत्यु भएको हो ।
