रमेश विश्वकर्मा
गुल्मी, वैशाख ६ गते । खोलामा नुहाउने क्रममा डुबेर एक पुरुषको ज्यान गएको छ । गुल्मीको मदाने गाउँपालिका वडा नम्बर–६ पुर्कोटदहका ३७ वर्षीय भीमबहादुर कुँवरको खोलामा डुबेर ज्यान गएको जिल्ला प्रहरी कार्यालय गुल्मीले जनाएको छ ।
प्रहरी कार्यालयका अनुसार हिजो (मङ्गलबार) दिउँसो करिब २ः४० बजेको समयमा जिल्लाको रेसुङ्गा नगरपालिका वडा नम्बर–३, बाँझघाट छल्दी खोलामा नुहाउने क्रममा डुबेर कुँवरको ज्यान गएको हो ।
घटनाका सम्बन्धमा थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।
