ट्रकको ठक्करबाट एकको मृत्यु, एक घाइते

सुजन काफ्ले         

चरिकोट, चैत १८ गते । दोलखामा ट्रकको ठक्करबाटबाट मोटरसाइकल चालकको मृत्यु भएको छ । जिल्लाको भीमेश्वर नगरपालिका –६ चोथाङमा शनिबार बिहान ट्रकको ठक्करबाटबाट मोटरसाइकल चालकको मृत्यु भएको हो । मोटरसाइकलमा सवार अर्का एक जना घाइते भएका छन् । मृत्यु हुनेमा काभ्रेपलान्चोक महाभारत गाउँपालिका –८ घर भई भीमेश्वर नगरपालिका –६ बस्ने अन्दाजी २० वर्षीय राजु मगर रहेको जिल्ला प्रहरी कार्यालय दोलखाले जनाएको छ । मगरको उपचारका क्रममा मृत्यु भएको हो ।

काठमाडौँतर्फ गइरहेको बा ४ ख ९७५ नम्बरको ट्रकले विपरीत दिशा तर्फबाट आइरहेको मोटरसाइकललाई ठक्कर दिँदा त्यसमा सवार धनुषाका अभिषेक शाह सख्त घाइते हुनुभएको प्रहरीले जनाएको छ । उहाँको च्छो रोल्पा अस्पतालमा उपचार भइरहेको छ ।

मोटरसाइकललाई ठक्कर दिने ट्रकका चालक फरार छन् । उहाँको खोजी भइरहेको प्रहरीले जनाएको छ ।