हुँदा कसैको अन्त्यमा कसैको आदिमा हुन्छ,
भलो कसैको भक्तिमा कसैको शक्तिमा हुन्छ ।
‘भैगो, जिन्दगी बाँच्दिनँ’ भन्नेले नबुझेका हुन्,
पहिलो पन्ध्रमा औँसी, दोस्रोमा पूर्णिमा हुन्छ ।
सौन्दर्य सोधेर गयौ, भनूँला भनेको थिएँ–
बगैँचाको सजावट, मौरी पुतलीमा हुन्छ ।
दोबाटोमा बाटो भुलेँ, दायाँ हो कि बायाँतिर;
एक्लै हुँदा अल्मलिँदा, भरोसा राशिमा हुन्छ ।
भ्यागुताको दम्भलाई, माछाको चुनौती थियो,
भाइ, माछा त माछै हो ! दुनियाँ पानीमा हुन्छ !
