अविनाश चौधरी
धनगढी, फागुन २५ गते । कैलालीको धनगढीमा अटो दुर्घटनामा परी एक वृद्धको ज्यान गएको छ ।
धनगढी उपमहानगरपालिका–३ मिलन चोकस्थित छ लेन सडकमा अटो दुर्घटना हुँदा त्यसमा सवार गौरीगङ्गा नगरपालिका–४ का ८५ वर्षीय तिलानन्द जोशीको मृत्यु भएको हो । जिल्ला प्रहरी कार्यालयका अनुसार आज बिहान धनगढीबाट कञ्चनपुरतर्फ जाने क्रममा से १ ह २६३९ नम्बरको अटो अनियन्त्रित भएर पल्टिएको थियो ।
अटो पल्टिएपछि त्यसमा सवार जोशी घाइते हुनुभएको थियो । धनगढीकै माया मेट्रो अस्पतालमा उपचारको क्रममा उहाँको ज्यान गएको जिल्ला प्रहरी कार्यालयका प्रहरी नायब उपरीक्षक कुलदीप चन्दले बताउनुभयो । अटोसहित चालकलाई प्रहरीले नियन्त्रणमा लिएको छ ।
