साना साना कोपिलामा, भविष्य छ फूलको
सागरसम्मै बग्नुपर्छ, पानी चोखो मूलको।
––––
वनपाखा हराभरा, डालीभरि झुल्नु
हर–हर बास्ना छर्दै, बगैँचामा खुल्नु
ज्ञानी बनी गुणी बनी, नाम राख्नु कुलको
सागरसम्मै बग्नुपर्छ, पानी चोखो मूलको।
–––
अँध्यारोलाई पन्छाएर, उज्यालोलाई छानी
उन्नतिको शिखरमाथि, चड्नु पर्छ नानी
ज्ञानको खेती गर्नुपर्छ, गर्नुहुन्न भूलको
सागरसम्मै बग्नुपर्छ, पानी चोखो मूलको।
अरोरा, कोलोराडो
अमेरिका ।
