गोरखापत्र अनलाइन
काठमाडौं, फागुन १७ गते । नेकपा (एमाले) का अध्यक्ष केपी शर्मा ओली र नेता बामदेव गौतमबीच भेटवार्ता भएको छ । नेता गौतम निवासमा आज बुधबार उहाँहरुबीच एक्लाएक्लै भेटवार्ता भएको हो ।
नेता गौतमका स्वकीय सचिव दीपक टमटाका अनुसार दुई नेताबीच करिब एक घण्टा एक्लाएक्लै छलफल भयो । अध्यक्ष ओली नेता गौतमलाई भेट्न उहाँको भैसेपाटीस्थित निवास पुग्नुभएको उहाँले बताउनुभयो । दिउँसो २ः२१ बाट सुरुभएको भेट साढे ३ बजेसम्म भएको स्वकीय सचिव टमटाले बताउनुभयो ।
लामो समयपछि दुई नेताबीच गम्भीर छलफल भएको टमटाले बताउनुभयो । वर्तमान राजनीतिक विषय तथा राष्ट्रपति निर्वाचनका विषयमा केन्द्रित भएर दुई नेताबीच छलफल भएको हुन सक्ने टमटाले बताउनुभयो । एक्लाएक्लै छलफल भएकाले सबै विषय बाहिर जानकारीमा नआएको उहाँको भनाइ छ ।
नेता गौतम लामो समयदेखि बाम दलबीचको एकताका लागि अभियान चलाउँदै आउनुभएको छ । राष्ट्रिय सभाका सदस्य समेत रहनुभएका नेता गौतमले मुलुकको समृद्धिका लागि बाम एकता आवश्यक रहेको बताउँदै आउनुभएको छ ।
-square-thumb.jpg)
-original-thumb.jpg)
