.jpg)
काठमाडौं, माघ २७ गते । ‘सत्य र न्यायको खोजी अभियान’ले नागरिकता विधेयकको मस्यौदा पेश गरेको छ । नेपालको नागरिकता समस्या समाधान गर्ने उद्देश्यले तयार गरिएको मस्यौदा अभियानको तर्फबाट गृह सचिव विनोदप्रकाश सिंहलाई हस्तान्तरण गरिएको हो ।
अभियानको तर्फबाट मस्यौदा हस्तान्तरण गर्नुहुँदै वरिष्ठ अधिवक्ता ध्रुवलाल श्रेष्ठले यो मस्यौदा अनुसार नेपालको नागरिकता कानुन संशोधन गर्न सकिएमा नेपालको राष्ट्रिय हितलाई केन्द्रमा राखेर नागरिकता समस्या समाधान गर्न सकिने बताउनुभयो ।
यसैगरी, अभियानको तर्फबाट प्रतिनिधित्व गर्नुभएका अधिवक्ता एस.के. तिमिल्सिनाका अनुसार यस विधेयकमा राष्ट्रिय हित, समस्या समाधान, लैंगिक समानतालगायतका विषयलाई केन्द्रमा राखिएको छ । प्रतिनिधित्वमण्डलमा वरिष्ठ अधिवक्ता ध्रुवलाल श्रेष्ठका अतिरिक्त अधिवक्ताहरु युवराज कोेइराला र एस. के. तिमिल्सिना हुनुहुन्थ्यो ।
