रमेश पौडेल
कास्की, माघ ३ गते । आइतबार पोखरामा यती एयरलाइन्सको जहाज दुर्घटनामा परी मृत्यु भएका ७० जनामध्ये तीन जनाको पोस्टमार्टम सकिएको छ । बाँकी ६७ जनाको पोस्टमार्टम सुरु गरिएको जनाएको छ ।
६७ जनामध्ये ४९ जनालाई काठमाडौँमा ल्याएर पोस्टमार्टम गरिने भएको छ भने बाँकी १८ जनाको पोखरामै पोस्टमार्टम गरी परिवारलाई जिम्मा दिइने कास्कीका प्रमुख जिल्ला अधिकारी टेकबहादुर केसीले जानकारी दिनुभयो ।
बेपत्ता रहेका दुई जनाको खोजी जारी राखिएको नेपाली सेनाले जनाएको छ ।
