काठमाडौं, माघ १ गते । नेपाल पुलिस क्लब सातौं एनभिए राष्ट्रिय महिला तथा पुरुष क्लब भलिबल च्याम्पियनसिपको महिलातर्फ च्याम्पियन बनेको छ । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा आइतबार भएको फाइनलमा पुलिसले साविक विजेता न्य डायमन्डलाई ३–२ को सेटमा हरायो ।
रोचक खेलमा पुलिसले पहिला सेट २५–२२ ले गुमाएको थियो । पुलिसले दोस्रो सेटमा २५–१७ ले जित्यो । तेस्रो सेट न्युडायमन्डले २७–२५ ले आफ्नो पक्षमा पारेको थियो । चौथो सेट पुलिसले २५–१९ ले जित्यो । अन्तिम सेट पुलिसले १५–११ ले जित्दै उपाधि चुमेको हो ।
उपाधिसँगै पुलिसले चार लाख रुपियाँ पायो । उपविजेता न्यु डायमन्डले दुई लाख रुपियाँ प्राप्त गरेको छ । महिलामा एपीएफ क्लब तेस्रो भयो । आइतबार नै भएको खेलमा एपीएफले आर्मी क्लबलाई २५–१६, २५–२०,२१–२५,२१–२५, १५–७ ले हराएको हो ।
