गोरखापत्र अनलाइन
काठमाडौं, पुस १० गते । नेकपा (एमाले) का अध्यक्ष के.पी. शर्मा ओली र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ सहितका शीर्ष नेताहरू भर्खरै राष्ट्रपति भवन पुग्नु भएको छ ।
ओली निवास बालकोटमा अध्यक्ष प्रचण्डलाई प्रधानमन्त्री बनाउने सहमति भएसँगै उहाँहरू राष्ट्रपति भवन पुग्नु भएको हो ।
आइतबार नेकपा (एमाले) अध्यक्ष केपी शर्मा ओली निवास बालकोटमा नेकपा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टीका शीर्ष नेताहरुबीच यसअघि अध्यक्ष प्रचण्डलाई प्रधानमन्त्री बनाउने सहमति जुटेको थियो ।
राष्ट्रपति भवनमा माओवादी अध्यक्ष प्रचण्डसहित एमाले अध्यक्ष केपी शर्मा ओलीलगायतका नेताहरु पुग्नुभएको छ ।
संविधानको धारा ७६ को उपधारा (२) बमोजिम दुई वा दुईभन्दा बढी दलहरुसहितको सरकार गठनको दाबी गरिएकोे जनाइएको छ ।
सरकार गठनका लागि राष्ट्रपति विद्यादेवी भण्डारीले आजसम्मको समय सीमा तोक्नु भएको थियो ।
-original-thumb.jpg)