दोलखाको बिगुमा भिरबाट लडेर एक पुरुष बेपत्ता

सुजन काफ्ले  

चरीकोट, पुस ४ गते । दोलखाको बिगु गाउँपालिकामा भिरबाट लडेर एक पुरुष बेपत्ता हुनुभएको छ । बिगु गाउँपालिका –१ लामाबगरमा सडक निर्माणमा खटिएका पुरुष भिरबाट लडेर बेपत्ता हुनुभएको हो । 

कैलालीको घोडाघोडी नगरपालिका –५ का ३९ वर्षीय दिलबहादुर घर्ती बेपत्ता भएको जिल्ला प्रहरी कार्यालय दोलखाका प्रवक्ता राजेश सिग्देलले बताउनुभयो । घर्ती लामाबगरबाट लप्चीतर्फ जाने सडक निर्माणको काममा खटिएका थिए ।

दुगड हाइड्रोले निर्माण गरिरहेको लामाबगर लप्ची सडकखण्डमा कार्यरत उहाँ सोमबार बिहान अन्दाजी ११ बजेतिर भिरबाट खसेको प्रहरीले जनाएको छ । प्रहरीका अनुसार उहाँको खोजी कार्य भइरहे पनि अहिलेसम्म अवस्था अज्ञात रहेको प्रहरीले जनाएको छ ।