क्वालालम्पुरमा पहिराेमा परी दुई जनाको मृत्यु, ५१ बेपत्ता

क्वालालम्पुर, पुस १ गते । मलेसियाको राजधानी क्वालालम्पुरस्थित शिविरमा पहिरोमा परी दुई जनाको मृत्यु भएको छ भने ५१ जना बेपत्ता भएका छन् ।

स्थानीय प्रहरीका अनुसार बिहान ७ बजेसम्म ५१ जना बेपत्ता रहेको र उद्धारको प्रयास भइरहेको छ । यसैबीच, न्यु स्ट्रेट टाइम्सले  पहिरो जाने समयमा त्यस शिविरमा ७९ जना मानिस रहेको  उल्लेख गरेको छ ।

अग्नि तथा उद्धार विभागले २३ जना पहिरोबाट जोगिएको र तीन जना घाइते भएको बताएको छ  ।

अग्निशामक विभाग र स्वैच्छिक फायर एसोसिएसन, निजी फायर डिपार्टमेन्ट, प्रहरी, मलेशियन सिभिल डिफेन्स फोर्स, स्वास्थ्य मन्त्रालय र स्मार्ट टोली जस्ता अन्य निकायको सहयोगमा खोजी र उद्धार प्रयास जारी रहेको बताइएको छ । रासस/एएनआई