आयुश क्वार्टरफाइनलमा
काठमाडौं, मंसिर २७ गते । नेपालका आयुशमान हजुर घले २०औं जयकर स्मृति एटीएफ यु–१४ टेनिस प्रतियोगिताअन्तर्गत सर्किट– १ को ब्वाइज सिंगल्समा मंगलबार क्वार्टरफाइनलमा प्रवेश गर्नुभएको छ । नेपाल टेनिस संघको सहयोगमा मनजयकर टेनिस एकेडेमीद्वारा आयोजित प्रतियोगितामा आयुशले पाकिस्तानका जोहेब अफ्जल मलिकलाई ७–६(२) र ६–० को सेटमा पराजित गर्नुभयो ।
ब्वाइज सिंगल्समै बंगलादेशका मोहम्मद तन्विर मुन तुसारले नेपालका दर्शिल श्रेष्ठलाई ६–४ र ६–३, यमनका हमुद इयादले भारतका आरभ धेकियललाई ६–४ र ६–१, हङकङका यु हिन वोङले भारतका किशोर श्रीरामलाई ६–४ र ६–३, भारतका सिद्धार्थ जिबुले हङकङका कि छियोङ मोरिस ताङलाई ७–६(४) र ६–१, बंगलादेशका मोहम्मद अलिफ होसेनले भारतका आदित्य सिंहलाई ६–३ र ६–२, भारतका भिभान मिर्धाले श्रीलंकाका साहिल फज्लिनलाई ४–६, ६–४ र ६–१ तथा हङकङका छियुन हेइ काइसन फुङले नेपालका बोरिस अधिकारीलाई ६–२ र ६–४ को सेटमा हराउदै क्वार्टरफाइनलमा स्थान सुरक्षित गर्नुभएको छ ।
गल्र्स सिंगल्समा नेपालका ४ खेलाडीले क्वार्टरफाइनलमा स्थान बनाएका छन् । प्रशंसा मोक्तानले बंगलादेशकी तयेबा खानोमलाई ६–४ र ६–०, शिभाली गुरुङले अमेरिकाकी नाला जोस्फिन मास्केलाई ६–२ र ६–३, आद्या पौडेलले बंगलादेशकी हुमिराह हैदरलाई ६–४ र ६–१ तथा स्वस्तिका विष्टले बंगलादेशकी जनातुन फर्डोस मितुलाई ६–० र ६–० को नतिजामा पाखा लगाउदै क्वार्टरफाइनलमा स्थान बनाउनुभएको छ ।
सोही स्पर्धामा क्वार्टरफाइनल प्रवेश गर्ने बाँकी खेलाडीमा भारतका रहे । प्रेरणा सन्ट्राले निभा श्रेष्ठलाई ६–१ र ६–०, तनिशा भत्नागरले कर्मिस्था नुगाह श्रेष्ठलाई ६–१ र ६–०, सान्भी रेडी भुन्द्यालाले समृद्धि महर्जनलाई ६–४, ६–७ ९४० र ६–४ तथा हनी जुमानी गौरवले प्राज्ना मानन्धरलाई ६–१ र ६–१ को सेटमा पन्छाउनुभयो।
सातदोबाटोस्थित टेनिस कोर्टमा भएको गल्र्स डबल्समा भारतका प्रेरणा सन्ट्रा र सान्भी रेडी भुन्द्यालाको जोडीले भारतकी मेगालइ प्रकाश र नेपालकी निभा श्रेष्ठको जोडीलाई ६–० र ६–० को सोझो सेटमा हराउदै सेमिफाइनलमा पुग्नुभएको छ ।
