रुँदै रुँदै यस धर्तीमा
टेक्यौ आफ्नो पाइला
दुष्ट पापी धन्दा गरे
बस्छ जीवनमा मैला
अँध्यारोले ढाकेको बादललाई
पार गरी उज्यालोको रङ
आभास गर्नु हो जीवन
इन्द्रेणीको सातै रङ
दृश्य हेर्नु हो जीवन
भन्छाैँ हामी दुई दिनको जिन्दगी
तर त्यस दुई दिनभित्र
झेल्नुपर्छ अनेकौँ वेदनाका रातहरू
सामना गर्नुपर्छ निस्तेजी चोटहरू
अनि बल्ल आभास गर्छौं
उज्यालो बिहानीको उदय
भुली सबै दुःख, कष्ट
सामेल हुन्छाैँ भई उमङ्गमय
