५१ क्षेत्रको मत परिणाम आउन बाँकी

काठमाडौँ,मङ्सिर ९ गते । प्रतिनिधि सभाका तर्फ १६५ निर्वाचन क्षेत्रमध्ये ११४ वटा निर्वाचन क्षेत्रको मत परिणाम सार्वजनिक भएको छ । मतदान सम्पन्न भएको पाँच दिन पछि शुक्रवार बिहानसम्ममा ५१ क्षेत्रको मतगणना अझै जारी रहेको निर्वाचन आयोगले जनाएको छ । 

प्राप्त नतिजा अनुसार नेपाली कांग्रेस ३९, नेकपा एमाले २८, माओवादी केन्द्र १२, एकीकृत समाजवादी १० स्थानमा विजयी भएका छन् । यस्तै राष्ट्रिय स्वतन्त्र पार्टी ७, राष्ट्रिय प्रजातन्त्र पार्टी ४, जनता समाजवादी पार्टी २, लोकतान्त्रिक समाजवादी पार्टी २, नागरिक उन्मुक्ति २ र अन्यले ८ स्थानमा जित निकालेका छन् ।

यस्तै नेपाली कांग्रेसले १३ स्थानमा अग्रता बनाएको छ । नेकपा एमालेले २१, माओवादी केन्द्रले १६, एकीकृत समाजवादीले १०,  रास्वपा ८, राप्रपा ६, जसपा ६, लोसपा ४ र नाउपाले ३ स्थानमा अग्रता बनाएका छ ।