काठमाडौं, असोज १० गते । नेपाल माल्दिभ्समा जारी साबा महिला बास्केटबल च्याम्पियनसिपको पहिलो खेलमा पराजित भएको छ । माल्दिभ्समा आइतबार राति भएको खेलमा नेपाल घरेलु टोली माल्दिभ्ससँग ५१-४७ अङ्कले पराजित भयो ।
पहिलो क्वार्टरमा १६-१४ ले पछि परेको नेपालले दोस्रो क्वार्टरमा १०-९ को अग्रता बनाएको थियो । तेस्रो क्वार्टरुमा १२-९ को अग्रता लिएको नेपाल अन्तिम क्वार्टरमा १७-११ अंकले पछि परेको थियो ।
चार देश सहभागी च्याम्पियनसिपमा नेपालले दोस्रो खेल असोज ११ गते श्रीलङ्का र राउन्ड रोविन लिगको अन्तिम खेल १२ गते भुटानसँग खेल्नेछ ।
