काठमाडौं, भदौ २२ गते । राष्ट्रियसभाका चार विषयगत समिति सभापति पदका लागि उम्मेदवारको नाम दर्ता भएको छ । राष्ट्रियसभा नियमावली, २०७५ को नियम १५० को उपनियम (१) बमोजिम राष्ट्रिय सभाअन्तर्गत गठित चार वटा विषयगत समिति सभापतिको निर्वाचनका लागि चार जना सांसदले उम्मेदवारी दर्ता गर्नुभएको हो ।
दिगो विकास सुशासन समिति, विधायन व्यवस्था समिति, प्रत्यायोजित व्यवस्थापन तथा सरकारी आश्वासन समिति र राष्ट्रिय सरोकार तथा समन्वय समिति सभापति पदका लागि चार सांसदको उम्मेदवारी परेको हो ।
दिगो विकास सुशासन समिति सभापति पदमा सांसद प्रकाश पन्थको नाम दर्ता भएको छ । उहाँको प्रस्तावकमा सांसद महेशकुमार महरा र समर्थकमा सांसद जगप्रसाद शर्मा हुनुहुन्छ ।
विधायन व्यवस्था समिति सभापति पदमा डा. बेदुराम भुषालले उम्मेदवारी दर्ता गराउनुभएको छ । उहाँको प्रस्तावकमा सांसद अनिता देवकोटा र समर्थकमा सांसद देवेन्द्र दाहाल हुनुहुन्छ ।
यसैगरी, प्रत्यायोजित व्यवस्थापन तथा सरकारी आश्वासन समिति सभापति पदमा सांसद मायाप्रकाश शर्माको उम्मेदवारी छ भने उहाँको प्रस्तावकमा सांसद मदनकुमारी शाह (गरीमा) र समर्थकमा सांसद युवराज शर्मा हुनुहुन्छ ।
त्यस्तै, राष्ट्रिय सरोकार तथा समन्वय समितिको सभापति पदमा सांसद दिलकुमारी रावल थापा (पार्वती)ले उम्मेदवारी दर्ता गर्नुभएको छ । उहाँको प्रस्तावकमा सांसद गोपीबहादुर सार्की (अछामी) र समर्थकमा सांसद दुर्गा गुरुङ हुनुहुन्छ ।
-original-thumb.jpg)
-original-thumb.jpg)