साथीहरू अदृश्य सम्पत्ति हुन्
मनमोहक गन्तव्यमा पुग्ने बाटो हुन्
उनीहरूलाई पढ्दा अरू केही पढ्नु नपर्ने
अलिखित किताब हुन् ।
सबैले आ–आफ्ना शपथ खाएका
कसैले समयलाई जितेका
कसैले आफैँलाई जितेका
म आफैँलाई जित्न बाँकी
आफैँलाई नचिनेको
आफैँलाई नदेखी
अनुहार हराएको
एउटा फ्रेम हुँ
साबिती बयानको ।
म आफैँलाई बिर्सन सक्छु
तिमीहरूलाई बिर्सन त
मैले मुटु फेर्नै पर्छ ।
-original-thumb.jpg)
