कपिल ज्ञवाली
सिद्धार्थनगर,वैशाख १८ गते । बुद्ध जन्मस्थल रूपन्देहीको लुम्बिनीमा बुद्ध जयन्ती मनाइएको छ ।
आज बिहान ५ बजेकालागि निर्धारित कार्यक्रम वर्षाकाकारण प्रभावित भएपछि बिहान साढे ८ बजेबाट सुरु भएर एक घण्टामा सकिएको थियो ।
२५७० औँ बुद्ध जयन्तीका उपलक्ष्यमा लुम्बिनी विकास कोषद्वारा आयोजित कार्यक्रममा सभामुख डोलप्रसाद (डिपी) अर्याल र संस्कृति, पर्यटन तथा नागरिक उड्यन मन्त्री खड्ग राज पौडेललगायत लुम्बिनीस्थित विभिन्न विहारका भिक्षु, भिक्षुणी, उपासक, उपासिकाले मायादेवी मन्दिरमा पूजाआजा र ध्यान गरेका गर्नुभयो ।
बुद्ध जयन्तीका दिन वैशाख पूर्णिमामा लुम्बिनीमा स्वदेशी र विदेशी पर्यटकले लुम्बिनी चलायमान बनेको छ ।कार्यक्रममा थेरबादी, महायानी र बज्रयानी सम्प्रदायबाट पूजाआजा गरिएको थियो ।
लुम्बिनी प्रदेश प्रमुख कृष्णबहादुर घर्ती र नेपालकालागि संयुक्त राष्ट्र सङ्घका आवासीय प्रतिनिधि लिला पिटर्स याहिया,संघीय सांसदहरूको उपस्थिति रहेको थियो ।दिवसमा भने कुनै पनि भाषणको कार्यक्रम भएन ।
-square-thumb.jpg)
-square-thumb.jpg)
-original-thumb.jpg)
-original-thumb.jpg)
