राधाकृष्ण डुम्रे
वालिङ (स्याङ्जा), फागुन २७ गते । जिल्ला निर्वाचन कार्यालय स्याङ्जाले प्रतिनिधिसभा सदस्य निर्वाचन २०८२ मा उम्मेदवारी दिएका सबै उम्मेदवारलाई आफ्नो निर्वाचन खर्चको विवरण सार्वजनिक गरी बुझाउन आग्रह गरेको छ ।
प्रतिनिधि सभा सदस्य निर्वाचन निर्देशिका, २०८२ को अनुसूची–४१ मा तोकिएको ढाँचाअनुसार खर्च विवरण तयार गरी उम्मेदवार स्वयं वा प्रतिनिधिमार्फत तोकिएको समयभित्र पेस गर्न आग्रह गरिएको जिल्ला निर्वाचन अधिकारी श्रीराम थापाले जानकारी दिनुभयो ।
उहाँको अनुसार खर्च विवरण निर्वाचन आयोग, कान्तिपथ काठमाडौँ वा सम्बन्धित जिल्ला निर्वाचन कार्यालयमा बुझाउन सकिने छ ।
निर्वाचन कार्यालयले जारी गरेको सूचनामा प्रतिनिधि सभा सदस्य निर्वाचन ऐन, २०७४ को दफा ७२ तथा प्रतिनिधिसभा सदस्य निर्वाचन आचारसंहिता, २०८२ अनुसार प्रत्येक उम्मेदवारले आफ्नो निर्वाचन खर्चको विवरण सार्वजनिक गर्नुपर्ने व्यवस्था रहेको थापाको भनाइ छ ।
दुई वटा निर्वाचन क्षेत्र रहेको स्याङ्जामा क्षेत्र नं. १ बाट एक स्वतन्त्र सहित ११ दलका १२ जना र क्षेत्र नं. २ मा दुई स्वतन्त्रसहित १० दलका १२ जना उमेदवार प्रतिस्पर्धामा रहेका थिए । दुवै क्षेत्रमा प्रत्यक्ष तथा समानुपातिक मतगणना सकिएको छ ।
-original-thumb.jpg)