काठमाडाैँ, फागुन ६ गते । हिमाली समुदायमा विशेष गरी शेर्पा जातिले मनाउने सांस्कृतिक पर्व ग्याल्पो ल्होसार आज देशभर विभिन्न कार्यक्रम गरी मनाइएको छ ।
यस वर्ष २१५१ औं ग्याल्पो ल्होसार (काठ ड्रागन वर्ष) मनाइएको हो । काठमाडौँको बौद्ध, स्वयम्भू र देशका विभिन्न हिमाली जिल्लाहरूमा रहेका गुम्बाहरूमा बिहानैदेखि पूजापाठ र विशेष कार्यक्रमहरू आयोजना गरिएका थिए ।
शेर्पा समुदायले नयाँ लुगा लगाउने, खाप्से र ग्याथुक जस्ता परम्परागत परिकारहरू खाने र एकापसमा शुभकामना आदानप्रदान गरेर यो पर्व मनाएका छन् । यस अवसरमा सरकारले आज देशभर सार्वजनिक बिदा समेत दिएको थियो । राष्ट्रपति र प्रधानमन्त्रीले समेत सम्पूर्ण नेपालीमा सुख, शान्ति र समृद्धिको कामना गर्दै शुभकामना सन्देश जारी गरेका छन् ।
