जयकृष्ण यादव
इनरुवा, माघ ६ गते । नेपाली कांग्रेसले मङ्गलबार दिउँसो १ र नेपाली कम्युनिस्ट पार्टी (नेकपा)ले २ बजे मनोनयन गर्दा गर्ने भएको छ ।
आगामी फागुन २१ गते हुने प्रतिनिधि सभा निर्वाचनका लागि कांग्रेस सुनसरीले चारवटै निर्वाचन क्षेत्रमा दिउँसो १ बजे उम्मेदवारको मनोनयन दर्ता गराउने भएको हो ।
पार्टीले सुनसरीको निर्वाचन क्षेत्र नम्बर १ का लागि सुजेन्द्र तामाङ, २ मा राजीव कोइराला, ३ मा वेदनारायण गच्छदार र मा ज्ञानेन्द्रबहादुर कार्कीलाई उम्मेदवार बनाएको छ ।
यसैगरी, नेकपा सुनसरीले पनि यहाँको चारवटै निर्वाचन क्षेत्रमा दिउँसो २ बजे मनोनयन दर्ता गर्दैछ ।
पार्टीले सुनसरीको निर्वाचन क्षेत्र नम्बर १ का लागि सूर्य भट्टराई (मनोज), २ मा रामकुमारी चौधरी (रोजिना), ३ मा दुर्गेशकुमार चौधरी र ४ मा महफुज अन्सारीलाई उम्मेदवार बनाएको छ ।
