वासिङ्टन, माघ २ गते । अमेरिकी राष्ट्रपति डोनाल्ड ट्रम्पले गाजा शान्ति परिषद् गठन गर्ने घोषणा गर्नुभएको छ, जुन प्यालेस्टिनी क्षेत्रमा युद्ध अन्त्य गर्ने उद्देश्यले अमेरिकी योजनामा उल्लेखित निकाय हो ।
सामाजिक सञ्जाल ट्रुथमा ट्रम्पले परिषदको गठन भएको घोषणा गर्नु ठूलो सम्मानको कुरा भएको उल्लेख गर्दै यसका सदस्यको सूची चाँडै सार्वजनिक हुने बताउनु भएको छ । उहाँले परिषद्लाई सबैभन्दा ठूलो र सबैभन्दा प्रतिष्ठित परिषद्को रूपमा वर्णन गर्नुभएको छ ।
शान्ति परिषद्को प्रमुखको हैसियतमा उहाँले नयाँ नियुक्त प्यालेस्टिनी प्राविधिक समिति र सङ्क्रमणकालीन अवधिमा गाजाको प्रशासन हेर्ने राष्ट्रिय समितिलाई समर्थन गरेको बताउँदै प्यालेस्टिनी नेता शान्तिपूर्ण भविष्यका लागि दृढ प्रतिबद्ध रहेको जनाउनुभएको छ । युद्धपछिको अवधिमा गाजाको व्यवस्थापन गर्न १५ सदस्यीय प्यालेस्टिनी प्राविधिक समिति गठन भएको केही समयपछि यो घोषणा आएको हो ।
अमेरिका समर्थित गाजा शान्ति योजना गत अक्टोबर–१० देखि लागु भएको थियो भने यस क्षेत्रमा अन्तर्राष्ट्रिय बलको तैनाथीका साथै प्यालेस्टिनी प्रहरी एकाइको प्रशिक्षणको प्रावधान समावेश छ । अमेरिकी मध्यपूर्वका दूत स्टिभ विटकोफका अनुसार बुधबारदेखि लागु भएको योजनाको दोस्रो चरण गाजापट्टीको पुनर्निर्माणमा केन्द्रित छ । रासस/क्युएनए
-original-thumb.jpg)
-original-thumb.jpg)
