टोपलाल अर्याल
रेसुङ्गा (गुल्मी), कात्तिक १३ गते । नेकपा (एमाले) को ११ औं महाधिवेशनका लागि २० जना प्रतिनिधि छनौट भएका छन् । खुला सदस्य नौ जनाको लागि ३४ जनाको मनोनयन दर्ता भएको थियो ।
जसमा क्षेत्र नं १ बाट बालसिंह काउछा, फर्सुराम पाण्डेय, फर्सुराम ज्ञवाली, पिताम्बर अर्याल, रामजी ढकाल प्रतिनिधि बन्नु भएको निर्वाचन अधिकृत केशरबहादुर थापाले जानकारी दिनुभयो । थापाका अनुसार महिला प्रतिनिधि ६ जनामा क्षेत्र नं १ बाट शुसिला पुन, राधिका अर्याल, अन्जु कंडेल प्रतिनिधि हुनु भएको छ । क्षेत्र न २ बाट खुला सदस्यमा हरिप्रसाद पोख्रेल, प्रकाश काफ्ले, लिलबहादुर बिष्ट र रित बहादुर थापा छनौट हुनुभएको छ ।
महिला प्रतिनिधिमा ललिता गौतम, कमला शर्मा र सरिता खड्का छनौट भएको निर्वाचन अधिकृत पूर्णलाल श्रेष्ठले जानकारी दिनुभयो । युवातर्फ माधब बिष्ट छनौट हुनु भएको छ । दलिततर्फ कृष्ण सुनार, सूर्यबहादुर सोनी र रिता रम्तेल प्रतिनिधि बन्नु भएको छ । क्षेत्र नं १ मा महिला प्रतिनिधी तर्फ शुसिला पुन, राधिका अर्याल, निरमाया तरामु, अन्जु कंडेल, लक्ष्मी देवि पन्त, तुल्मी कुमारी श्रेष्ठले मनोनयन दर्ता गर्नुभएको थियो।
युवा प्रतिनिधीमा बालकृष्ण भण्डारी, अर्जुन कनौजे, सुजन ज्ञवाली र बिमल ज्ञवालीको मनोनय परेको थियो ।दलित खुला सदस्य प्रतिनिधीको लागि पाँच जनाको लागि हेमन्त सुनार, कृष्ण सुनार, सुर्य सोनी, गणेश कुमार श्रीपाली र कृष्ण विश्वकर्माले मनोनयन दर्ता गर्नुभएको थियो । दलित महिला तर्फ रिता रम्तेल र सावित्रा विकले मनोनयन दर्ता गर्नुभएको थियो ।
