शेरबहादुर सार्की
बाजुरा मङ्सिर १३ गते । जिल्ला सदरमुकाम मार्तडीदेखि हिमाली गाउँपालिका–६ को धिम बस्ती झण्डै ७० किलोटिरको दूरीमा पर्दछ । यहाँका स्थानीय केही समय पहिला भेडाबाख्रा र खच्चरको भरमा गाउँमा दैनिक उपभोग्य सामाग्री ढुवानी गर्थे ।
पहिला यहाँका गोरेटो बाटोमा हिँड्दा घोडा खच्चर र भेडाको निकै पेलपाल हुने गर्थ्याे । बिहान दिउँसो बाटोमा भेडा र खच्चर कराएको आवाज सुन्निने गर्थ्याे । बाटोमा मानिसलाई हिँड्डुल गर्न पनि निकै सास्ती हुन्थ्यो । अहिले भने यहाँका गोरेटा बाटा समेत हराउँदै गएका छन् । गाउँमा सडक पुगेको छ । सडकले यहाँका स्थानीयको जीवनशैली समेत पुरै बदलिएको छ ।
भेडा घोडा हिँड्ने बाटा सडकमा परिणत भएका छन् । भेडा र घोडाले ढुवानी गर्ने दैनिक उपभोग्य सामग्री अहिले गाडीमा घरमा पुग्ने गरेको छ । यहाँका स्थानीयको यो समस्या अन्त्य गर्ने गरी हिमाली गाउँपालिकाको कार्यालय धुलाचौरले आर्थिक वर्ष २०७७-०७८ सालमा गाउँमा सडक सुविधा गरेसँगै अहिले यहाँका स्थानीयको पनि पुरै जीवनशैली फेरिँदै गएको हो ।
पहिला एक किलो चामल ७५ रुपियाँमा खरिद गर्दै आएका यहाँका स्थानीय अहिदे गाउँमै ५५ रुपियाँमा खरिद गर्ने गरेका छन् । गाउँमा विकास पुगेसँगै अहिले यहाँका स्थानीले दैनिक उपभोग्य सामग्री सस्तो पाउने गरेका हुन् ।
जिल्लाकै एक विकट क्षेत्रको रूपमा रहेको धिम बस्तीमा गाडी पुगेसँगै अहिले सुगमको आभास हुन थालेको हिमाली गाउँपालिका–६, धिमका निबन्ध जनरल स्टोरका साहु जनक रोकायाले बताउनुभयो ।
अहिले मेरो पसलको मुनीमा गाडीले त्यो सामाग्री दुइ चार घण्टामै पुर्याई दिन्छ । समानको मुल्य पहिला भन्दा अहिले सस्तो छ । २०६७ सालमा एक किलो चामलको ७५ रुपियाँमा बिक्री गर्थ्ये । अहिले त्यही चालमको एक किलोको ५५ रुपियाँमा गाउँमै बिक्री गर्छु । गाउँमा विकास पुगेसँगै अहिले यहाँका स्थानीयको जीवनशैली समेत पुरै बदलिँदै गएको रोकायाले बताउनुभयो ।
हिमाली गाउँपालिका–६, धिमका स्थानीयको मात्र जीवनशैलीमा परिवर्तन आएको छैन् । यहाँको दुर्गम पिछडिएको दुर्गग गाउँ धिमबस्तीको मुहार समेत फेरिएको छ । घरमा सिलेटले छाएका यहाँका घरछाना अहिले जस्तापाताले छाएका छन् ।
