बेइजिङ, मङ्सिर १३ गते । चीनले भवनमा आगलागी जोखिम कम गर्न व्यापक अभियान सुरु गरेको छ । यो कदम हङकङमा भएको एक भयानक आगलागीमा कम्तीमा १२८ जनाको मृत्यु भएपछि उठाइएको हो, जुन दशकौँमा वित्तीय केन्द्रमा भएको सबैभन्दा ठुलो दुर्घटना मानिन्छ ।
राज्य सञ्चार माध्यम सिसिटीभीका अनुसार चीनको राज्य परिषद सुरक्षा समितिले हालै भवनमा मुख्य आगलागी जोखिम पहिचान गरी सुधार गर्ने अभियान सुरु गरेको जानकारी दिएको छ । अभियानअन्तर्गत भवनमा सजिलै जल्ने सामग्रीको प्रयोग जाँच गरिने छ ।
सिसिटीभीले भनेको छ, “सबै क्षेत्रमा जिम्मेवारीको भावना बलियो बनाउनु पर्ने छ । विकास र सुरक्षा सँगसँगै समन्वय गर्नु पर्छ र भवनमा मुख्य आगलागी जोखिमको अनुसन्धान तथा सुधारलाई अत्यन्त महत्वपूर्ण कार्यका रूपमा लिनुपर्छ । निगरानी र निरीक्षणलाई तीव्र बनाउँदै सुनिश्चित परिणाम ल्याउनु पर्छ ।”रासस/एएफपी
