सुजल श्रेष्ठ
प्युठान, कात्तिक २० गते । गत भदौ २३ र २४ गते भएको जेनजी आन्दोलनको समयमा केन्द्रिय कारागार काठमाडौँबाट भागेका एक जना कैदीबन्दीलाई जिल्ला प्रहरी कार्यालय प्युठानले पक्राउ गरेको छ ।
झिमरुक गाउँपालिका–१ निवासी २४ वर्षीय सन्तोष विकलाई पक्राउ गरेको जिल्ला प्रहरी कार्यालय प्युठानका सूचना अधिकारी प्रहरी निरीक्षक युवनकुमार चौधरीले जानकारी दिनुभयो ।
कार्यालयबाट खटिएको विशेष प्रहरी टोलीले सन्तोषकै घरबाट पक्राउ गरी बिहीबार आवश्यक कारबाहीका लागि प्यूठान कारागार पठाइएको उहाँले बताउनुभयो ।
