बर्लिन, साउन १ गते । बेलायतले आफ्ना छिमेकीहरूसँग ब्रेक्जिटपछिको सम्बन्ध सुधार गर्न खोजिरहेको बेला जर्मन चान्सलर फ्रेडरिक मर्ज प्रधानमन्त्री किर स्टार्मरसँग ‘मित्रता सन्धि’ मा हस्ताक्षर गर्न बिहीबार लन्डन जानुहुने छ ।
उहाँहरूले युक्रेनका लागि निरन्तर समर्थनबारे पनि छलफल गर्नुहुने छ । लन्डन र बर्लिन दुवैले अमेरिकी राष्ट्रपति डोनाल्ड ट्रम्पको अन्य नाटो देशहरूबाट वित्तपोषण गरेर किएभमा हतियार पठाउने योजनामा भूमिका खेल्ने अपेक्षा गरिएको छ । यो भ्रमण चान्सलरका रूपमा मर्जको बेलायतको पहिलो भ्रमण हो ।
यद्यपि उहाँले मेको सुरुमा पदभार ग्रहण गरेको केही दिनपछि युक्रेनको यात्रासहित धेरै पटक स्टार्मरलाई भेट्नुभएको छ । मर्जको भ्रमण फ्रान्सेली राष्ट्रपति इमानुएल म्याक्रोनले बेलायतको राजकीय भ्रमण गरेको एक हप्तापछि आएको हो । त्यो भ्रमण बेलायतले पाँच वर्षअघि ब्लक छोडेपछि युरोपेली सङ्घ (इयु) राष्ट्र प्रमुखले गरेको पहिलो हो ।
जर्मनी र बेलायतबिचको व्यापक नयाँ सन्धिले दुवै देशले सामना गर्ने अशान्त सुरक्षा अवस्थालाई जनाउने छ र यसमा आपसी रक्षा सम्झौता समावेश छ । ‘एउटाका लागि कुनै रणनीतिक खतरा छैन जुन अर्कोका लागि रणनीतिक खतरा हुने छैन,’ पाठले सशस्त्र आक्रमणको अवस्थामा दुई देशले ‘सैन्य माध्यमबाट एकअर्कालाई सहयोग गर्ने’ प्रतिज्ञासहित भन्ने अपेक्षा गरिएको छ ।
बेलायत र जर्मनीसँग नाटो सदस्यहरूका रूपमा पहिले नै पारस्परिक रक्षाको प्रतिबद्धता भएता पनि यो सन्धिले हतियार विकास र नाटोको पूर्वी किनारमा सञ्चालन सहित बृहत्तर रक्षा सहयोगको मार्ग प्रशस्त गर्ने अपेक्षा गरिएको छ । दुई देशले अक्टोबरमा एउटा ऐतिहासिक रक्षा सम्झौतामा हस्ताक्षर गरेका थिए र मे महिनामा उनीहरूले दुई हजार किलोमिटर (एक हजार दुई सय ५० माइल) को दायरामा प्रहार गर्ने मिसाइलहरू विकास गर्न सुरु गर्ने बताएका थिए ।
मर्ज र स्टार्मर बिहीबार यो प्रणाली अर्को दशकभित्र डेलिभर गरिने छ र उहाँहरूले जर्मनीमा बक्सर बख्तरबन्द सवारी साधन र टाइफुन जेटहरू जस्ता बेलायतको रक्षा निर्यातलाई बढावा दिने नयाँ सम्झौताको अनावरणको घोषणा गर्न तयार हुनुहुन्छ ।
- ब्रेक्जिटको ‘आघात’ पार गर्दै -
जर्मनीका विदेशमन्त्री जोहान वाडेफुल यस भ्रमणमा मर्जसँगै जानुहुने छ र उहाँले आफ्ना बेलायती समकक्षी डेभिड लामीसँग भेटवार्ता गर्नुहुने अपेक्षा गरिएको छ । ब्रेक्जिटको ‘दर्दनाक’ अनुभवपछि बेलायतसँगको सम्बन्धमा कति सुधार आएको छ भनेर ‘हामीले कम आँकलन गर्नु हुँदैन’ भनी जर्मन सरकारको एक स्रोतले उक्त भ्रमणको बारेमा बताएको छ ।
सन्धिमा दुई देशबिच नागरिकहरूको सम्पर्क सुधार गर्ने उपायहरू समावेश हुने छन्, उदाहरणका लागि विद्यालय भ्रमणका लागि सीमा प्रक्रियाहरू सरल पारेर । दुई नेता अनियमित आप्रवासनलाई सम्बोधन गर्न अझ बढी गर्न प्रतिबद्ध हुनुहुन्छ । यो मर्ज र स्टार्मर दुवैका लागि प्रमुख घरेलु प्राथमिकता हो । मर्जको सरकारले ‘अवैध आप्रवासन’ को सुविधालाई आपराधीकरण गर्न वर्षको अन्त्यसम्ममा जर्मन कानुन परिमार्जन गर्ने प्रतिबद्धता गर्ने अपेक्षा गरिएको छ ।
यसमा च्यानल पार गर्नका लागि लक्षित साना डुङ्गाहरू लुकाउन प्रवासी तस्करहरूले प्रयोग गर्ने भण्डारण सुविधाहरू विरुद्ध कारबाही समावेश हुने छ । पाठमा विज्ञान र प्रविधिका खण्डहरू पनि समावेश हुने छन् । कृत्रिम बुद्धिमत्ता (एआई) जस्ता रणनीतिक क्षेत्रहरूमा थप सहयोगको प्रतिज्ञा गरिएको छ । यसले नयाँ बेलायत–जर्मनी व्यापार मञ्च पनि स्थापना गर्ने छ । धेरै जर्मन कम्पनी बिहीबार बेलायतमा नयाँ लगानीको घोषणा गर्न तयार भएका छन् ।
यातायातको विषयमा दुवै देशले रेल जडानहरू सुधार गर्न प्रतिबद्धता गर्ने छन् । गत महिना युरोस्टारले सन् २०३० को दशकको प्रारम्भमा लन्डनदेखि फ्रान्कफर्टसम्मको नयाँ मार्ग सुरु गर्ने योजना घोषणा गरेको थियो । यो बेलायत र जर्मनीबिच यस्तो पहिलो प्रत्यक्ष जडान हुने छ । रासस/एएफपी
