कविराज घिमिरे
हिले, चैत २३ गते । १७औँ संस्करणको सहिद भीमनारायण गोल्डकपको उपाधि सप्तरीको नमो बुद्ध फुटबल क्लबले उचालेको छ ।
धनकुटाको तल्लो टुँडिखेलमा शनिबार सम्पन्न फाइनल खेलमा उदयपुरको गाईघाट फुटबल क्लबलाई टाइब्रेकरमा ५–४ गोल अन्तरले हराउँदै नमो बुद्ध च्याम्पियन बनेको हो ।निर्धारित समयको खेल२–२ गोलको बराबरी भएपछि टाइब्रेकरमार्फत खेलको निर्णय गरिएको थियो ।
प्रतिस्पर्धात्मक खेलको निर्धारित समयमा नमोबद्धका लागी राज भुसाल र क्षितिज भण्डारीले गोल गर्नुभयो । त्यस्तै गाईघाटका लागि आकाश राई र असीम राईले गोल गर्नुभयो ।टाइब्रेकरमा नमोबुद्धकापाँचै खेलाडीले प्रहार गोलमा परिणत हुँदा गाईघाटका चार खेलाडीको प्रहार मात्र गोलमा परिणत भएको थियो ।
उपाधिसँगै नमो बुद्धले पाँच लाख रुपियाँ पुरस्कार पायो । उपविजेता गाईघाटले दुई लाख ५० हजार रुपियाँ प्राप्त गरेको छ । चैत्र १७ गतेबाट सुरु भएको प्रतियोगितामा आठ टोलीको सहभागिता रहेको थियो ।
