खोटाङ समाचारदाता
खोटाङ, चैत २१ गते । दुवै आँखा नदेख्ने ९२ वर्षकी नरलक्षी राई, ७२ वर्षकी देवलक्षी राई र ६८ वर्षकी वीरकन्या राईको आँखाको ज्योेति फर्किएको छ । खोटाङको हलेसीमा आयोजना गरिएको आँखा उपचार शिविरले तीन जना वृद्धाको गुमेको ज्योति फर्किएको हो । आँखाको ज्योति गुमेर अन्धकार जीवन बिताइरहेका तीन वृद्धाले पुनः संसार हेर्न पाउँदा हर्षित भएका छन् ।
जन्मजात अपाङ्गता हलेसी तुवाचुङ नगरपालिका–७, महादेवस्थान गैरीगोठकी ७२ वर्षकी देवलक्षी राईले केही वर्षयता दुवै आँखाको ज्योति पनि गुमाउनुभएको थियो । आँखाको ज्योति गुमेपछि झनै कष्टकर जीवन बिताइरहनुभएकी राईको शिविरमा दुवै आँखाको मोतीविन्दुको शल्यव्रिmया गरेपछि आँखाको ज्योति फर्किएको आँखा तथा कान उपचार केन्द्र हलेसीका प्रमुख सुरेन्द्र श्रेष्ठले बताउनुभयो ।
यस्तै हलेसी तुवाचुङ नगरपालिका–३, च्यास्मिटारकी ६८ वर्षीय वीरकन्या राई पनि अपाङ्गता हुनुहुन्छ । उहाँले पनि केही वर्षदेखि आँखाको ज्योति गुमाउनुभएको थियो । शिविरमा शल्यव्रिmया गरेपछि उहाँले पनि संसार देख्न सक्ने हुनुभएको छ । यस्तै हलेसी तुवाचुङ नगरपालिका–९, सल्लेकी ९२ वर्षीय नरलक्षी राईले पनि पुनः संसार हेर्न सक्ने हुनुभएको छ । दुवै आँखाको ज्योति गुमेर शिविरमा आउनुभएकी राईले सफल शल्यव्रिmयापछि पुनः संसार देख्न पाउनुभएको प्रमुख श्रेष्ठको भनाइ छ ।
हलेसी तुवाचुङ नगरपालिका, नेपाल नेत्रज्योति सङ्घ खोटाङ र आँखा तथा कान उपचार केन्द्र हलेसीले संयुक्त रूपमा आयोजना गरेको तीनदिने आँखा शिविरको प्राविधिक सहयोग सगरमाथा चौधरी आँखा अस्पताल लहानको रहेको थियो । चैत १४, १५ र १६ गते तीन दिनसम्म सञ्चालन भएको निःशुल्क आँखा शिविरमा १०७ जनाको शल्यव्रिmयामार्फत उपचार गरिएको छ । यस्तै ४४५ जनलाई औषधी, ७५ जनालाई चस्मा र वृद्धलाई निःशुल्क रिडिङ चस्मा प्रदान गरिएको उपचार केन्द्रका प्रमुख श्रेष्ठले बताउनुभयो ।
खोटाङको हलेसी तुवाचुङ नगरपालिकासँगै दिक्तेल रूपाकोट मझुवागढी नगरपालिका, दिप्रुङ चुइचुम्मा, ऐँसेलुखर्क, रावाबेँसी गाउँपालिका र ओखलढुङ्गा, उदयपुर, सिन्धुली, सप्तरीसम्मका नागरिकले आँखा उपचार शिविरमा आएर सेवा लिएका छन् । शिविरबाट जम्मा ६०३ जनाले सेवा लिएको बताइएको छ ।
खोटाङकै केपीलासगढी गाउँपालिका र दिक्तेल रूपाकोट मझुवागढी नगरपालिकामा पनि आँखा उपचार शिविर आयोजना गरिएको थियो ।
