प्रतीक शर्मा इच्छुक
सल्यान, पुस २४ गते । सल्यानमा दिदी बहिनी मृत फेला परेका छन्। आज बिहान आमासँगै रहेका दिदीबहिनी घरमै मृत भेटिएका हुन्। वनगाड कुपिण्डे नगरपालिका ११ सिस्नेपातलका टेकमान राना र पूर्णिमा रानाका छोरी ३ वर्षीया करिष्मा र ६ महिनाकी राघवी मृत भेटिएका हुन्।
आमा घरमै रहेको भेटिएकाले घटना शंकास्पद देखिएको र अनुसन्धान भइरहेको सल्यान प्रहरी प्रमुख केशर न्यौपानेले बताउनुभयो । उहाँका अनुसार मृत्युको कारण भने खुलिसकेको छैन। बालिकाका बुबा टेकमान रोजगारीको सिलसिलामा नुवाकोट रहनुभएको बुझिएको छ ।
