अस्मिता र सुमनको ‘सौभाग्य मेरो जीवनको’ सार्वजनिक

काठमाडौं, पुस १८ गते । बेजिला फिल्मस् को  प्रस्तुतिमा रहेको प्रेमिल गीत ‘सौभाग्य मेरो जीवनको’ सार्वजनिक भएको  छ ।गीतमा सुमन केसी र अस्मिता अधिकारीको सुमधुर स्वर सुन्न सकिन्छ । गीतका शब्द किशोर पोखरेलले लेख्नुभएको हो भने संगीत रमेश अन्जन कडरियाको रहेको छ । गीतलाई गायक सुमन केसीले नै संगीत संयोजन गर्नुभएको छ । 

गीतको भिडियोलाई  लक्ष्मण पुन लक्सको निर्देशनमा तयार पारिएको हो । सहाएक निर्देशनमा धर्मेन्द्र पुर्जा रहनुभएको छ । भिडियोमा लक्ष्मण पुन लक्स र लक्ष्मी पुर्जा मुख्य भूमिकामा देखिनुभएको छ । भिडियोको छायाँकन गोविन्द बिष्टले गरेका गर्नुभएको हो ।

भिडियोको  सम्पादन र कलर सुधार सुप्रिम पराजुलीले गर्नुभएको छ । जापानको विभिन्न रमणीय ठाउँमा छायाँकन गरिएको यस म्युजिक भिडियोले दर्शकको मन जित्ने अपेक्षा गरिएको छ । भिडियो  बेजिला फिल्मसको आधिकारिक युट्युब च्यानलमा उपलब्ध छ ।