गोरखापत्र समाचारदाता
काठमाडौँ, पुस ३ गते । गायक कर्णराज गिरी र गायिका एलिना चौहानको स्वरमा रहेको गीत ‘मनमा फुल्ने माया’ सार्वजनिक भएको छ । गीतमा सन्तोषजङ्ग थापाको शब्द, मनोज डङ्गोलको सङ्गीत रहेको छ । राज आरएस कार्की र एलिसा न्यौपानेले अभिनय गर्नुभएको गीतको भिडियोमा राज र एलिसाले एकअर्कालाई गर्ने मायाको कथा देखाइएको छ । भिडियोमा नीराजन केसीको क्यामरा, सम्पादन र हेमन्त लामिछानेको नृत्य निर्देशन तथा जगत रेग्मीको निर्देशन छ । फोरके मिडियामा भिडियोको पोस्ट प्रोडक्सन गरिएको गीतको प्रस्तुतकर्ता हरि शर्मा हुनुहुन्छ ।
