काठमाडौँ, मङ्सिर २७ गते । महिला फुटबलरद्वय अमिशा कार्की र गीता राना नगद पुरस्कारसहित सम्मानित हुनुभएको छ ।
दुवै खेलाडीलाई सेजल आइटी क्यालिफोर्निया युएसएका अध्यक्ष शङ्कर केसीले जनही ७५ हजार रुपियाँ पुरस्कारसहित सम्मान गर्नुभयो । महिला खेलाडीद्वयलाई नेपाल फुटबल खेलाडी सङ्घको संयोजकत्वमा सम्मान गरिएको हो ।
अमिशा र गीतालाई गत साफ महिला च्याम्पियनसिपमा उत्कृष्ट प्रदर्शन गरेकोले सम्मान गरिएको हो । साफको फाइनलमा अमिशाले बङ्गलादेशविरुद्ध गोल गर्नुभएको थियो । फाइनलमा नेपाल बङ्गलादेशसँग २–१ गोलले पराजित भएको थियो ।
