गोरखापत्र समाचारदाता
काठमाडौँ, मङ्सिर १७ गते । गायक समीर आचार्य र गायिका अन्नु चौधरीको आवाजमा ‘साली हो भाटु हो’ गीत सार्वजनिक भएको छ । गीतलाई नेपमेलोले प्रस्तुत गरेको हो । गायक आचार्यकै शब्द रहेको गीतमा केशव बडूको सङ्गीत रहेको छ । गीतमा नेपाली र थारू भाषाको मिश्रण छ । थारू समुदायको रहनसहन र कला संस्कृतिलाई झल्काउन खोजिएको गीतमा चक्र बम, उषा उप्रेती र सृजन खरेलको अभिनय रहेको छ । नवराज उप्रेतीको छायाङ्कन, मिलन विश्वकर्माको सम्पादनमा तयार भएको गीत जेरी भण्डारीले निर्देशन गर्नुभएको छ ।
