अविनाश चौधरी
धनगढी, कात्तिक २६ गते । कैलालीको धनगढी उपमहानगरपालिका–११ स्थित घोडसुवामा आज बेवारिसे शव फेला परेको छ ।
ठेकराज माध्यमिक विद्यालयको शौचालय नजिक अन्दाजी ५५/६० वर्षीय पुरुषको शव भेटिएको जिल्ला प्रहरी कार्यालयले जानकारी दिएको छ । नाम, थर, वतन नखुलेको व्यक्तिको कुहिएको अवस्थामा शव भेटिएको जिल्ला प्रहरी कार्यालयका प्रवक्ता प्रहरी नायब उपरीक्षक कवीन्द्रसिंह बोहराले जानकारी दिनुभयो ।
शवको मुचुल्का गरी प्रहरीले घटनास्थलबाट ल्याएर सेती प्रादेशिक अस्पतालको शव गृहमा राखेको छ ।
