सिराज खान
नेपालगन्ज, भदौ २२ गते । ‘प्रथम आमन्त्रित अन्तरप्रदेश आइटिएफ तेक्वान्दो खुला प्रतियोगिता’ मा लुम्बिनी प्रदेशले अधिकांश खेलमा पदक जितेर वर्चश्व कायम गरेको छ ।
बाँकेको खजुरा गाउँपालिका वडा नम्बर २ मा सम्पन्न भएको सो प्रतियोगितामा खेलिएका ११ वटा तौल समूहका खेलहरूमध्ये नौ वटा तौल समूहको खेलमा प्रथम भएर लुम्बिनीका खेलाडीले वर्चस्व कायम गरेका हुन् ।
प्रतियोगिताको महिलातर्फ २१–२५ केजी तौल समूहमा लुम्बिनी प्रदेशकी राईका चौधरी पहिलो, कर्णाली प्रदेशकी स्मृति बुढा दोस्रो र लुम्बिनी प्रदेशकी कृष्णा सारु मगर तथा कर्णाली प्रदेशकी जेनिशा शाह तेस्रो हुनुभयो ।
यस्तै २६–३० केजी समूहमा लुम्बिनी प्रदेशकी दिव्या थापा पहिलो, लुम्बिनी प्रदेशकै पुष्पा थापा दोस्रो र लुम्बिनी प्रदेशकी मानुसी थापा तथा लुम्बिनीकै आरिम विष्ट तेस्रो हुनुभयो । यसैगरी ३१–३५ केजी समूहमा लुम्बिनीकी सङ्गीता खत्री पहिलो, कर्णालीकी सविता नेपाली दोस्रो र लुम्बिनीकै पूर्णिमा सुनार तथा कर्णालीकी कविता नेपाली तेस्रो हुनुभयो ।
त्यस्तै ५०–५६ समूहमा लुम्बिनीकी विनीता बुढा पहिलो, सुदूरपश्चिमकी रुपा धामी दोस्रो र लुम्बिनीकी प्रेरणा विष्ट तथा लुम्बिनीकी लीला घर्तीमगर तेस्रो हुनुभयो । सोही प्रकारले पुरुषतर्फ २०–२५ केजी तौल समूहमा लुम्बिनीका अर्पति कठायत पहिलो, कर्णाली प्रदेशका गौरव रोकाय दोस्रो र सुदूरपश्चिमका विपिन कुँवर तथा लुम्बिनीका श्याम खटिक तेस्रो हुनुभयो ।
३१–३५ केजी समूहमा लुम्बिनीका शुभम् नेपाली पहिलो, सुदूरपश्चिमका शुभम् कुँवर दोस्रो र लुम्बिनीका पारश बुढा तथा लुम्बिनीकै फल बिसी तेस्रो हुनुभयो । त्यसैगरी ३६–४० केजी तौल समूहमा लुम्बिनीका दीपेश पुन मगर पहिलो, लुम्बिनीका विकल्प बस्नेत दोस्रो र लुम्बिनीका मनोज राना तथा लुम्बिनीकै गोपाल सारुमगर तेस्रो हुनु भयो । यस्तै ४१–४५ केजी तौल समूहमा सुदूरपश्चिमका भुपेस नाथ पहिलो, लुम्बिनीका रोहन विष्ट दोस्रो र लुम्बिनीका हिरालाल थापा तथा विप्लव राज पोखरेल तेस्रो हुनुभयो ।
त्यसैगरी ४६–५० केजी समूहमा लुम्बिनी प्रदेशका कृष्ण बाल्मिकी पहिलो, कर्णालीका गणेश ओली दोस्रो र लुम्बिनीका मेराज कसगर तथा सुदूरपश्चिमका दिनेश बहादुर बोहरा तेस्रो हुनुभयो । यस्तै ५१–५५ केजी समूहमा कर्णालीका आयुष नेपाली पहिलो, लुम्बिनीका सन्तोष बुढामगर दोस्रो र सुदूरपश्चिमका भूपेन्द्र ओली तथा सुदूरपश्चिमकै जीवन पनेरु तेस्रो हुनुभयो ।
यसैगरी ५६–६० केजी समूहमा लुम्बिनीका अर्जुन नेपाली पहिलो, लुम्बिनीकै प्रकाश आले दोस्रो र लम्बिनका सूर्य सुनार तथा कर्णालीका नगेन्द्र सी.सी. तेस्रो हुनु भएको थियो ।
