बेवारिसे अवस्थामा महिलाको शव फेला

राममणि दाहाल
हेटौँडा, भदौ १८ गते । मकवानपुर बागमती गाउँपालिका ४ चौरादोभानस्थित बागमती नदीको बिच बगरमा एक महिलाको शव बेवारिसे अवस्थामा फेला परेको छ ।

जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीका अनुसार नाम, थर र ठेगाना नखुलेको करिब २४÷२५ वर्षीया महिलाको शव सोमबार साँझ फेला परेको हो ।

लास घोप्टो अवस्थामा फेला परेको छ भन्ने खबर प्राप्त भएपछि इलाका प्रहरी कार्यालय फापरबारीबाट गएको प्रहरी टोलीले घटनास्थल र शवको जाँच मुचुल्का गरी आवश्यक कारबाहीका लागि हेटौँडा अस्पतालमा ल्याइएको छ । घटनाको बारेमा आवश्यक अनुसन्धान भइरहेको प्रहरीले जनाएको छ ।